ఈ ఉత్తమ (ఉత్త ) బ్లాగుల గోలేందిరా బాబోయ్..

నేనే నెంబర్ వన్ వన్ వన్ అని అనుకోని వాడు ఎవడన్నా ఉంటాడా ఈ లోకంలో..
అలాగే ఈ బ్లాగు లోకంలో కూడా ఎవడి బ్లాగు వాడికి గొప్ప,ఎవడి టపా వాడికి గొప్ప చూస్తే చూడు లేకపోతె పో అంతే కానీ నేను కొన్ని బ్లాగులు ఉత్తమమని తీర్మానించా కాబట్టి అయ్యే గొప్ప మీరు కూడా చదవండి అంటే ఇదేదో బలవంతపు మత మార్పిడి వ్యవహారం లాగా వుందే..


ఒక సారి ఒక ఎల్లయ్య వస్తాడు ఒక పది భజన పరుల బ్లాగులు తెచ్చి ఇయ్యే ఉత్తమ (ఉత్త)బ్లాగులు అంటాడు.ఇంకోసారి ఇంకో మల్లమ్మ వస్తుంది నేను పడీ పడీ ఈ బ్లాగు లోకంలో సర్వే చేసాను కాబట్టి నా పదే ఉత్తమ (ఉత్త)బ్లాగులు అంటది.
ఇంతకీ ఈ బ్లాగులే ఉత్తమ బ్లాగులు అని నిర్ణయించటాని వీల్లెమన్నా ఈ బ్లాగు లోకపు చక్రవర్తులా,లేక దేవుళ్ళా??ఈ లోకంలో ఎవరు గొప్ప ఎవరు తక్కువ అని దేవుడే ఆలోచించడు!! ఇలాంటి కుళ్ళు కుత్సితాలు నిండిన మనిషి మగానుభావులు తప్ప.
ఏ జాతి పక్షులు ఆ గూటికి చేరినట్లు ఏ జాతి కాకులకి ఆ జాతి కాకులే గొప్పేలే మరి ఏమి చేస్తాము??

ఉత్తమ బ్లాగులు సెలెక్ట్ చేసే ఉత్తములారా ఇంతకీ మీ లిస్టు లో సెలెక్ట్ కావాలంటే కావాల్సిన్ పెర్ఫామెన్స్ ఇండికేటర్స్ ఏంటో చెప్తారా?? మాకయ్యన్నీ ఎక్కడ ఎడ్సినాయి అంటారా??


మీతో రోజూ ఆన్లైన్ లో మాట్లాడే వాళ్ళ బ్లాగులు,పర్సనల్ గా కలిసి ముచ్చట్లేసుకునే బ్లాగులు,బజ్జుల్లో బజ్జుకునే బ్లాగులు,ప్లస్సుల్లో ప్లస్సుకునే బ్లాగులు మాత్రమే మీకు ఉత్తమ (ఉత్త) బ్లాగులని ఈ బ్లాగు లోకమంతా కోడై కూస్తుంది..నంది అవార్డులిచ్చే దగ్గర మిమ్మల్ని కూర్చోపెడితే మంచిదేమో ఇప్పటి నుండి మంచి ఉత్తమ (ఉత్త) సినిమాలు సెలెక్ట్ చేయటానికి!!!

నా దృష్టిలో మాత్రం ఎవడి బ్లాగు వాడికే గొప్ప,ఎవడి పోస్టులు వాడికి గొప్ప, మంచి పోస్టులయ్యా ఎవడేమి అనుకుంటే ఎవడికేంది?? ఎవడి బ్లాగ్ ఎవడికో నచ్చకపోతే వచ్చే నష్టమేంది??
ఒక కోన్ కిస్కా గొట్టం గాడికి ఎవరి బ్లాగ్ అయినా నచ్చితే ఎంత నచ్చకపోతే ఎంత???